НАСОС СТАНЦИЯСИ ҲОЛАТИНИ НАЗОРАТ ҚИЛИШ ВА БОШҚАРИШ ТИЗИМИ

Overview & Synopsis

Мазкур мақолада насос станциялари ҳолатини назорат қилиш ва бошқаришни интеллектуаллаштириш бўйича мавжуд ёндашувлар таҳлил қилиниб, насос агрегатлари ва гидравлик тармоқлар фаолиятидаги узлуксиз ишлаш, энергия самарадорлиги ҳамда техник ишончлиликни таъминлаш муаммосини ҳал этиш учун автоматлаштирилган назорат ва бошқарув механизмларини жорий этиш зарурлиги асослаб берилган. Шунингдек, мақолада насос агрегатлари ишчи параметрлари, яъни босим, оқим тезлиги, вибрация, ҳарорат, электр сарфи ва айланиш частотаси каби маълумотларни реал вақтда йиғиш ва улар асосида ҳолатини баҳолаш, носозликларни эрта аниқлаш ҳамда башоратлаш усуллари илмий жиҳатдан асослаб берилган. Катта ҳажмли сенсор маълумотларини қайта ишлаш учун машинали ўқитиш усуллари, хусусан таснифлаш, кластерлаш, аномалияларни аниқлаш ва регрессия моделлари самарадорлиги таҳлил қилинган. Шу билан бирга, насос станциялари энергия сарфини оптималлаштириш, профилактик таъмирлаш режаларини шакллантириш ва эксплуатация жараёнларини автоматлаштиришга қаратилган интеллектуал бошқарув архитектураси тавсифланган. Тадқиқот натижалари насос станцияларида кибер-физик тизимлар (CPS), рақамли эгизаклар (Digital Twin) ва ташхислаш усулларини қўллаш орқали ишончлилик ва самарадорликни сезиларли даражада ошириш мумкинлигини кўрсатади. Шу билан бирга, бундай тизимлар инсон омили таъсирини камайтиради, эксплуатация харажатларини қисқартиради ва авария ҳолатларини олдини олиш имконини яратади.